Н.Мөнхзоригийн хурдан хул

Уяачийн эрдэм аз өмийг шалгадаг их насны морьдын уралдааны аман хүзүүнд Төв аймгийн Эрдэнэсант сумын уугуул, сумын Морин Спорт Уяачдын Холбооны тэргүүн  Нямсүрэнгийн Мөнхзоригийн хул морь хурдалсан билээ. Соёолон цагаас уралдаж буй хурдан хул ийнхүү эзэндээ төрийн зарлигт наадмын анхны айргийг авчран баярын магнай тэнийлгэжээ.

Удам угшил:

Дорнод аймгийн Дашбалбар сумын харьяат Дашжавын унаган адуу.
Эцэг: Дашбалбар сумандаа нэртэй Бөгтөр ухаа  хэмээх хурдан хул азарганы төл хээр азарга.
Эх: Хээр гүү

Амжилтын товчоон:

2014 онд соёолон:
Шинийн хоёронд Төв аймгийн Эрдэнэсант суманд болсон хаврын уралдаанд айргийн гурав
Шинийн таванд Төв аймгийн Эрдэнэсант суманд болсон хаврын уралдаанд айргийн дөрөв
Төв аймгийн Эрдэнэсант сумын баяр наадамд аман хүзүү
2015 онд хавчиг:
Өнжсөн
2016 онд долоотой:
Төв аймгийн Баян суманд болсон хаврын бүсийн уралдаанд аман хүзүү
Архангай аймгийн Өндөр-Улаан суманд болсон бүсийн уралдаанд айргийн дөрөв
2017 онд наймтай:
1.000.000 төгрөгийн бооцоот уралдаанд түрүү
“Дүнжингаравын хурд-2017” уралдаанд долоо
Өмнөговь аймгийн бүсийн уралдаанд айргийн дөрөв
“Дэлтэй цэнхэрийн хурд-2017” хаврын бүсийн уралдаанд 13
АХ-ын 96 жилийн ой, үндэсний их баяр цэнгэл наадамд аман хүзүү