"Их хурд-10" уралдаанд эхний 10-т хурдалсан их насны морьд

Монголын Морин Спорт Уяачдын Холбоо үүсгэн байгуулагдсаны 30 жилийн ой, "Их хурд-10" Монголын шигшмэл хурдан морины уралдаанд их насны 220  морь бүртгүүлснээс 175 нь гараанаас эргэжээ. Энэхүү уралдааны түрүү магнайд хурдалсан  Говь-Алтай аймгийн Халиун сумын уугуул, МУ-ын Алдарт уяач Гантөмөрийн Чинзоригийн Дөлгөөн халтар морь

сэрвээний өндөр давсан шалтгаанаар хасагдаж, арын морьдыг нэг байр  урагшлуулан  барьсан билээ. 

1. Ховд аймгийн Чандмань сумын уугуул МУ-ын Манлай уяач Батчулууны Ерөөлтийн халтар. Уяа сойлгыг өөрөө. Төрийн түмэн эх халтар морийг 11 настай Алтанбаганын Бадар-Ууган хүү унаж хурдлуулсан юм. 

2. Төв аймгийн Сэргэлэн сумын уугуул, аймгийн Алдарт уяач Пүрэвдоржийн Баярбатын хээр. Зүүн бүсийн уралдаанд зургаад хурдалж, сумдын ойд хэд хэд түрүүлж, айрагдсан хээр морины уяа сойлгыг Булган аймгийн Хутаг-Өндөр сумын харьяат аймгийн Алдарт уяач Баатарын Мэндсайхан тааруулж, 11 настай Өлзийн Энхдэлгэр хүү унаж хурдлуулжээ.  

3.Өмнөговь аймгийн Цогтцэций сумын харьяат аймгийн Алдарт уяач Галбаатарын Батнямын хонгор халзан. АХ-ын 104 жилийн ой, Үндэсний их баяр цэнгэл наадамд зургаад хурдлаад Их хурдад айрагдсан халзан морины уяа сойлгыг Тод манлай уяач Д.Онон. Уралдаанч есөн настай Майцэцэгийн Амартүвшин. 

4.Өвөрхангай аймгийн Баян-Өндөр сумын уугуул МУ-ын Манлай уяач Мандахын Мөнхбатын буган. Улсын баяр наадамд долоод хурдалж, хангайн бүсийн уралдаанд түрүүлэн, гурав дахь уяагаар морины олимпод айрагдсан буган морины уяа сойлгыг МУ-ын Алдарт уяач У.Тамир тааруулдаг. Уралдаанч есөн настай Баясгалангийн Пүрэвдаваа.

5.Дундговь аймгийн Сайнцагаан сумын уугуул аймгийн Алдарт уяач Одонбаатарын Болдсүхийн ухаа. Уяа сойлгыг Тод манлай уяач Т.Ихбаяр. Уралдаанч 11настай Түвшинтөгсийн Баяртүвшин. 

6.Төв аймгийн Аргалант сумын уугуул, МУ-ын Заан, аймгийн Алдарт уяач Дорлигжавын Амгаланбаатарын халтар. Уяа сойлгыг Тод манлай уяач Т.Ихбаяр. Уралдаанч 13 настай Хуншагайгийн Содбилэг.

7. Говь-Алтай аймгийн Эрдэнэ сумын Гажаамын Болдбаатарын сартай хээр. Уяа сойлгыг Ц.Нарангэрэл. Уралдаанч есөн настай Батын Ерөөлт. 

8.Баянхонгор аймгийн Бууцагаан сумын уугуул МУ-ын Алдарт уяач Искрагийн Золбоогийн хээр. Уяа сойлгыг МУ-ын Алдарт уяач Ч.Амарсанаа. Уралдаанч есөн настай Баасанхүүгийн Мөнхбилэг. 

9.Баянхонгор аймгийн Баян-Овоо сумын уугуул МУ-ын Алдарт уяач Цэндийн Энхтайваны хул. Улсын баяр наадамд айргийн тавд хурдалсан энэ хүлгийн уяа сойлгыг Тод манлай уяач Т.Ихбаяр тааруулдаг бол есөн настай Ганболдын Жавхлантөгс хүү унаж хурдлуулсан юм.

10.Төв аймгийн Заамар сумын харьяат МУ-ын Алдарт уяач Жигжидсүрэнгийн Түмэн-Өлзийн хүрэн. Уяа сойлгыг МУ-ын Манлай уяач М.Цэрэнжав. Уралдаанч есөн настай Наранбаатарын Боорчи.

Б.Хастөр, гэрэл зургийг Б.Ванчигсүрэн