Т.Галбадрахын бор морь 2019 оны чансааг тэргүүллээ

2019 оны чансаа өндөр их насны морьдыг уншигч танаа танилцуулъя.

1.Завхан аймгийн Тосонцэнгэл сумын уугуул Тод манлай уяач Төмөрбаатарын Галбадрахын бор. Г.Пунцагбалжир агсны нэрэмжит “Төвийн бүс”-ийн уралдаан аман хүзүүдэж, шигшмэл морьдын “Их хурд-8” уралдаан болон АХ-ын 98 жилийн  ойн баяр наадамд тус тус түрүүлсэн амжилтаараа 21оноо цуглуулан нэгдүгээрт эрэмбэлэгджээ.

2. Завхан  аймгийн Завханмандал сумын уугуул, аймгийн Алдарт уяач Цэрэндоржийн Мөнххуяггийн Тод янзага. Шигшмэл морьдын “Их хурд-8” уралдаан болон АХ-ын 98 жилийн  ойн баяр наадамд тус тус аман хүзүүдсэн амжилтаараа 13 оноо цуглуулж, хоёрдугаарт эрэмбэлэгджээ.

3.Улаанбаатар хотын Баянзүрх дүүргийн харьяат нийслэлийн Алдарт уяач Одгэрэлийн Рэнцэнжүгдэрийн бор. Г.Пунцагбалжир агсны нэрэмжит “Төвийн бүс”-ийн уралдаан түрүүлж,  шигшмэл морьдын “Их хурд-8” уралдаанд айргийн тавд хурдлан 13 оноо цуглуулж, хоёрдугаарт эрэмбэлэгджээ.

4.Булган аймгийн Могод сумын уугуул, Манлай уяач Цэгмидийн Цэнгэлийн хүрэн. Шигшмэл морьдын “Их хурд-8” уралдаанд айргийн гуравт хурдалсан амжилтаараа есөн оноо цуглуулж, гуравдугаарт эрэмбэлэгджээ.

5.Завхан аймгийн Тосонцэнгэл сумын уугуул Тод манлай уяач Төмөрбаатарын Галбадрахын хонгор халзан. Шигшмэл морьдын “Их хурд-8”  уралдаанд айргийн дөрөвт худалсан амжилтаараа есөн оноо цуглуулж, гуравдугаарт эрэмбэлэгджээ.

6.Өмнөговь аймгийн Хүрмэн сумын уугуул, МУ-ын Алдарт уяач Хоохорын Бадамсүрэнгийн Элбэг хээр. АХ-ын 98 жилийн ойн баяр наадамд айргийн гуравт хурдалж, “Дорнод-2019”  зүүн бүсийн уралдаанд түрүүлсэн амжилтаараа найман оноо цуглуулж дөрөвдүгээрт эрэмбэлэгджээ.

7.Баянхонгор аймгийн Бууцагаан сумын уугуул, аймгийн Алдарт уяач Нямын Баттөмөрийн хар. АХ-ын 98 жилийн ойн баяр наадамд  айргийн  дөрөвт хурдалж, Ламын Гэгээн Лувсанданзанжанцаны мэлмий гийсний 380 жилийн ойд түрүүлсэн амжилтаараа найман оноо цуглуулж дөрөвдүгээрт эрэмбэлэгджээ.

8.Говь-Алтай аймгийн Баян-Уул сумын уугуул, Тод манлай уяач Дагвадоржийн Ганбаатарын Хурдан зээрд. АХ-ын 98 жилийн ойн баяр наадамд  айргийн  тавд хурдалсан амжилтаараа дөрвөн оноо цуглуулж тавдугаарт эрэмбэлэгджээ.

9. Говь-Алтай аймгийн Баян-Уул сумын уугуул, Тод манлай уяач Дагвадоржийн Ганбаатарын Мэнгэт хүрэн. “Хотгойдын хурд-4” хангайн бүсийн уралдаанд түрүүлсэн амжилтаараа дөрвөн оноо цуглуулж зургаадугаарт эрэмбэлэгджээ.

10.Дундговь аймгийн Хулд сумын харьяат, Манлай уяач Баярсайханы Лхагва-Очирын Дайчин халзан. “Говьшанхын хурд-6”  говийн бүсийн уралдаанд түрүүлэн, дөрвөн оноо цуглуулж зургаадугаарт эрэмбэлэгджээ.

11. Сүхбаатар аймгийн Уулбаян сумын харьяат Б.Дорждэрэмийн ягаан.. “Боржигон-2019” төвийн бүсийн уралдаанд түрүүлж, дөрвөн оноо цуглуулж зургаадугаарт эрэмбэлэгджээ.

12.Завхан аймгийн Цагаанчулуут сумын уугуул, МУ-ын Алдарт уяач Балдоржийн Баярдоржийн хүрэн. “Алтайн таван богд” баруун бүсийн уралдаан түрүүлэн түрүүлэн дөрвөн оноо цуглуулж зургаадугаарт эрэмбэлэгджээ.

Б.Хастөр