Улсын цол горилсон 14 уяачийн нэрийг салбар хороонд уламжилжээ

Үндэсний баяр наадмын тухай хуульд заасан болзлыг хангасан уяачид холбогдох материалаа ММСУХ-нд хүргүүлж, улсын цолонд тодорхойлогддог уламжлалтай.  Энэхүү журмын дагуу өнгөрсөн жил 40 гаруй уяач материалаа хүргүүлсэн тухай бид өмнө нь мэдээлж байсан. Дэлхий нийтийг хамарсан цар тахлын улмаас өнөөдрийг хүртэл энэ асуудал эцэслэн шийдэгдэж,  уяачдад цол хэргэмийг олгоогүй байгаа хэдий ч ММСУХ 2020 онд шинээр улсын цолны болзол хангасан уяачдын материалыг хүлээн авч, тэргүүлэгчдийнхээ хурлаар хэлэлцэн, Үндэсний баяр наадмын хурдан морины салбар хороонд уламжилжээ.

Бидэнд ирсэн мэдээллээр:

Тод манлай уяач цолонд:

Завхан аймгийн Цагаанчулуут сумын уугуул, Орхон аймгийн Баян-Өндөр сумын харьяат, Манлай уяач Дариймаагийн Чулуунбат.

Манлай уяач цолонд:

1. Төв аймгийн Баян сумын уугуул, “Хүй мандал” галын уяач Баасансүрэнгийн Нямжав.

2. Хөвсгөл аймгийн Цэцэрлиг сумын уугуул, Монгол улсын Алдарт уяач Гончигбатын Батболд

3. Өвөрхангай аймгийн Есөнзүйл сумын уугуул, Монгол улсын Алдарт уяач Пүрэвийн Сэргэлэн

4. Баянхонгор аймгийн Бууцагаан сумын уугуул, Монгол улсын Алдарт уяач Баасангийн Цэдэв

5. Төв аймгийн Сэргэлэн сумын уугуул, Монгол улсын Алдарт уяач Сашкагийн Эрдэнэбат

6. Өвөрхангай аймгийн Хархорин сумын уугуул, Монгол улсын Алдарт уяач Занабазарын Батбаяр

Улсын Алдарт уяач цолонд:

1.Улаанбаатар хотын харьяат Эрдэнэ-Очирын Цолмон

2. Завхан аймгийн Завханмандал сумын уугуул, аймгийн Алдарт уяач Цэрэндоржийн Мөнххуяг

3. Өвөрхангай аймгийн Уянга сумын уугуул, аймгийн Алдарт уяач Ганбаатарын Ариунболд

4.Архангай аймгийн Хотонт сумын уугуул, нийслэлийн Алдарт уяач Дуламсүрэнгийн Лхагвасүрэн

5. Говь-Алтай аймгийн Халиун сумын уугуул, Гантөмөрийн Чинзориг

8.Сүхбаатар  аймгийн Халзан сумын харьяат, аймгийн Алдарт уяач Рагчаагийн Мөнхтөр

 нарын 14 уяачийн холбогдох материлыг хүргүүлжээ.

Харин Үндэсний их баяр наадмын хурдан морины салбар хорооны хурлаас

Манлай уяач цолонд:

Б.Нямжав, Г.Батболд, П.Сэргэлэн

Улсын Алдарт уяач цолонд

1.Ц.Мөнхуяг

2. Г.Чинзориг

3. Д.Лхагвасүрэн нарыг дэмжиж дараагийн шатанд уламжлахаар тогтсон сурагтай.

Б.Хастөр